يوميات مستر شمعون

الطلبة شافوا الصورة بيقولوا دة احمد مظهر الممثل فى فيلم الناصر صلاح الدين حكاية صلاح الدين فى التاريخ شاغل دماغى بيك يابطل تستاهل انك كنت حجر ومن الاتصالات مع عيلة المحترم طلع الاصل كردى من شمال العراق طيب عمال افكر اية اللى جاب صلاح الدين مصر بص يا سيدى مع التواصل مع الورثة عرفت أنة كانت فية مشكلة فى مصر اتنين خايبين من الوزرا الفاطميين واحد أسمة شاور  والتانى أسمة ضرغام آخرة الطمع على السلطة قام ضرغام استعان بواحد أسمة نور الدين من شمال العراق وشاور استعان بالاوربيين  الخناقة كانت كبيرة والضحية الشعب قوم نور الدين مكدبش خبر وبعت  صلاح الدين مع عمة لمصر والدنيا بقت حلوة وذى الفل تصدوا الصليبيين وبعدين الفاطميين كانوا ضايعين هب نجح صلاح. الدين فى إلغاء الخلافة الفاطمية وعمل دولة ايوبية على أسم عيلتة بس صلاح الدين صمم يحرر القدس وحصل المراد وانتصر فى حطين واتحرر القدس من ايدى الأوروبيين لكن الجماعة بتوع اوربا مسكتوش هب بعتوا جيش من اقوى ثلاث ملوك امبراطور المانيا وملك فرنسا وملك انجلترا ريتشارد الثلاثة اختلفوا مبقاش غير ريتشارد قلب الاسد شكلة بقي قلب قط

 كليوباترا صورة من زمن فات  وانا بقالى اسبوع بدورها فى دماغي : لغاية ماحد عبرنى ودلنى عليها : ومراسلات مع حد من قرايب الست دى : عرفت حكايتاها مطينة بطين:  عرفت انها كانت اخر حكام مصر من الجماعة البطالمة  وقعت بين اثنين اصحاب : انطونيوس وصاحبة اكتافيوس : ولكن لما انطونيوس زار مصر : رغم آنهم كانوا أصحاب وهات سهر للصبح على القهوة : وقع فى غرام كليوباترا  روشنها بشوية هدايا حلوة وغالية : هب الدنيا باظت : راح زعل  صاحبة اكتافيوس : كليوباترا سخنت انطونيوس على صاحبة والاثنين وقعوا مع بعض  فى معركة اكتيوم البحرية:  اتهزم انطونيوس وفضل الانتحار : وانتحرت هى كمان  [ وتحولت مصر لحكم الرومان وانا قلت  بلاش طمع الستات : ووالنت من يومها فاصل ومش عارف اتواصل مع الورثة من عيلة كيلوباترا ❤️👍

  البنت دى سمعت أننا بندرس بلدهم المانيا عندنا وهى صديقة معايا على وسائل التواصل قررت أنها تحضر مراجعة المانيا وهى زمانها فى الطريق مسافة السكة هتلاقيها معاكم فى المراجعة وهتكون عارفة كل حاجة عن المانيا احلام وردية ااننا تعزمنا على سندوتشات شاورما فى ألمانيا ونقابلها فى مطعم فى برلين العاصمة او أكلة سمك حلوة عند ميناء هامبورج او ركوبة سيارة BMW   فى مدينة ميونخ فى الجنوب او مشاهدة الينابيع والشلالات على تلال المانيا او الغابات النفضية والمخروطية او نتفسح فى باخرة فى نهر الراين ونهر الألب وتعرفنا أن ألمانيا أساس تقدمها الصناعة بعد الحرب العالمية الثانية وتخدنا إلى مزارع الثروة الحيوانية حيث الخنازير الفاخرة او هنروح الغيط عندهم نشوف بنجر السكر  والقمح والشعير ❤️👍

  النهاردة  انا بتابع الاصدقاء صاحبة الصورة دى من نيجيريا الحقيقة فى منتهى الشياكة عرفت انى مدرس دراسات واننا كمان فى مصر بندرس نيجيريا بلدهم قاللاقيتت معقول يامستر تدرس وتراجع عن نيجيريا بلدى اللى عشت فيها عمرى ومحضرش معاك هى مسافة السكة وهتيجى اكيد الطلبة بتوعى على احر من النار منتظرينها قالت يامستر انا هشرفك وهعرفكم كل حاجة عن نيجيريا واحنا بنتكلم خدتنى فى رحلة غرب أفريقيا هو دة موقع نيجيريا وبعدين قلت ليها فى بلاد حواليكم قالت طبعآ من الغرب بنين ومن الشمال النيجر ومن الشرق تشاد والكاميرون وتعال نشوف ونفسحك يامستر  بالباخرة على نهر النيجر ولا هضبة جوس والقصدير بتاعها واللى الفحم اللى ممكن مش هتلاقي غير عندنا فى الشرق وكمان بترول فى جنوب شرق كدة هطمع وفكراتجوز واحدة من عندكم قالت تعال نشوف السفارى رحلة سياحية وسط الغابات الاستوائية والمدارية وحشائش السافانا وعندنا ثروة حيوانية كبيرة  وأسماك كتيرة ومعظم الزراعة فى الغرب وبنزرع المطاط والأرز فى الجنوب والكاكاو والذرة ونخيل الزيت والفول السودانى فى الشمال واحنا كمان الدولة الأولى فى عدد السكان المطاط والثاني