حكاية المستر والجزار
كانت البداية واحدة اتصلت عاوزة تدى ابنها درس قلت ليها الحصة بمبلغ مش كتير قالت كتير قلت ليها دا انا هضيع ساعة رايح وساعة وهركب مواصلات وهطلع سلالم المهم قاعدت تفاصل قلت ليها يعنى لو أنتى جبتى صنايعى عمل بريزة كهربا أو سباك هياخد 100جنية فى اقل من ربع ساعة قالت يعنى حضرتك صاحب رسالة وعلم هتساوى نفسك بصنايعى قلت ليها يعنى انا لو روحت عند الجزار هيدينى اللحمة رخيصة قاالت اللى جرب مكدبتش خبر رحت اشترى اللحمة والجزار عارفنى لقيت اللحمة بقت 250 جنية بقولة يا معلم مش انا من اسبوعين خدتها 170 قالى غليت يا أستاذ قلت لة احكيالك أحمس طرد الهكسوس ازاى قالى يأ أستاذ انا مالى عنة ماطردهم كان سابهم قاعدين قلت لة طيب بلاش أحمس احكيلك حكاية حتشبسوت عملت اية قال لى لو جبت حتشبسوت وحزمتها ورقصت هتاخد اللحمة 250جنية خدتها وامرى لله وعرفت أن الجزار مش مثقف ومش فارقة معاه المهم بعدها بأسبوع دخلت عند العطار اشتريت سحلب وطلعت 30 جنية كلهم خمسات وقلت له خد الفلوس دى كلها بركة عشان من الملكة حتشبسوت قالى اية حكاية حتشبسوت قلت بس الراجل دة بيحب التاريخ مكدبتش خبر قعد احكي