خواطر مدرس تاريخ عن الماضى
خواطر من الماضي
لو رجعت يوم بالزمن
وفكرت في الماضي والحياة
مكانش فيكي يا دنيا إلم ولا وجع ولاتعب
ناس وشوشها ذي العسل
تقابلها مفيش هموم وشها دايمآ مبسوط
حياة بسيطة ولكنها جميلة
خالية من التكنولوجيا اللي فرقت الناس
وفككت العلاقات ودمرت حياة اللمة
كانت ايام مهما عدي عليها زمن
لسة فاكر الغيطان والحيطان من طين
والفلاحين وهما فرحانيين بزراعة الغيطان
واللمة اخر النهار
والقعاد علي الطبلية
اصلي مفيش حد كان يعرف حاجة اسمها سندوتشات
ولسة فاكر اللمبة الجاز والفرن بدل البوتجاز
حتي المدرسة كانت حيطانها طين
بس للامانة كان فية تعليم
كنا صغيرين وحلمنا كبير
ومرت الايام وأتغيرت الدنيا حتي القرية
بقت علي موضة الامريكان أه يازمان
ومع المدنية والانفتاحات الخارجية
اتفرقت عائلات وبقي كلة بتاع خد وهات
الطيبة ضاعت مع التطورات
وبقت الحياة ماشية ذي القطر
مبقاش حد بيسأل علي حد
ومرت السنين باين عليك يامستر عجزت
وبقيت بالدهان للركبة شغال
يا مين يرجع الماضي واللي فات
أهو كان مجرد حلم وتخيلات
وصحيت من النوم لقيت نفسي وسط هيصة واتوبيسات
مع تحيات مستر / شمعون
راوي وعاشق حكايات
تعليقات